На денешната прес-конференција, Валентин Манасиевски, член на Централниот комитет на ВМРО-ДПМНЕ, упати сериозни прашања до Венко Филипче, откако тој изјави дека народот треба да учи од Зоран Заев, нагласувајќи дека „нема друг како него“.
„Дали Филипче мислеше и на тоа како да се направи криминал тежок 8 милиони евра, па да не се одговара за тоа? Заев беше директно инволвиран во случајот со „Глобал“ и требаше да заврши зад решетки, но беше амнестиран од тогашниот претседател Црвенковски“, рече Манасиевски.
Тој праша дали Филипче навистина е воодушевен и од тој дел од историјата на Заев, или можеби ќе се огради и ќе го осуди тој чин.
„Венко Филипче треба јасно да каже дали се восхитува на криминалите на Заев, кои му донесоа милионски суми, а благодарение на поддршката од СДСМ, остана неказнет. Со неговата изјава, Филипче призна што навистина мисли – дека го поддржува моделот на Заев. Сега народот нема простор за двоумење. Тој сака да биде криминалец како Заев“, заклучи Манасиевски.
