Поради континуирани сериозни закани, навреди, клевети, политички притисок, загрозување на слободата на говорот и создавање непријателска атмосфера, заклучно и потенцирано со денешниот прес на Венко Филипче, претседател на СДСМ, кон сите професионални медиуми кои не се под контрола на СДСМ, особено кон Алфа телевизија, Македонската асоцијација на новинари (МАН) го повикува Јавното обвинителство веднаш и неодложно да преземе мерки против Венко Филипче, претседател на СДСМ, за закани и напади кон службено лице, односно спречување службено лице во вршење службено дејствие од член 382 од Кривичниот законик.
– Го повикуваме Јавното обвинителство веднаш и неодложно да ги заштити медиумските работници кои се под континуирани сериозни закани од СДСМ, нивните функционери и претседателот на партијата Венко Филипче. Согласно Кривичниот закон, член 382 и 383, заканите кон новинар, снимател или друг медиумски работник кој врши професионална задача се третира како напад врз службено лице.
Ја повикуваме Агенцијата за аудио-визуелни медиумски услуги да застане во заштита на професионалните медиуми. Истовремено, известуваме дека МАН веќе е во комуникација и со Европската и Светската федерација на новинари за прогонот кој СДСМ го прави против професионалните медиуми.
Во континуитет, 20 години, партијата СДСМ прогонува, напаѓа, тепа, се заканува на новинари и медиуми кои не се под нивна контрола. Тоа се случува во мандат на последните 3 претседатели: Венко Филипче, Зоран Заев и Радмила Шекеринска.
Кривичната одговорност на Венко Филипче е јасна и недвосмислена. Политичката одговорност на Венко Филипче, претседател на партијата СДСМ, е исто така очигледна.
Унгарија е членка на ЕУ и НАТО и како таква неспорна и неоспорена. И, заедно со Словенија и Хрватска, е најсилен поддржувач од земјите на ЕУ за наше членство во Унијата.
Тоа што Венко Филипче и во овој прес ги брани интересите на Бугарија и врши притисок врз новинари и партијата ВМРО-ДПМНЕ и тие да бидат во функција на бугарското вето е негова политичка одговорност и цена која СДСМ скапо ја плаќа на избори.
