Ана, Моника и Кристиан, Ракип, Тони, Оливера, Исмаил, Жан: различни животни приказни и премрежја што ги спојува едно: по години живеење во европските и прекуокеанските држави се вратиле дома. Иако е тешко за верување, сепак има се повеќе такви примери кои на некој начин ја прифатија поканата дека Македонија ги отвора вратите за своите луѓе ширум светот.
Една од тие е Ана Дуковска – Македонка која по 18 години живот во САД, годинава се врати во родниот Охрид. Тука е и Далибор Фрутник кој пак, вели дека откако го прошетал цел свет, домот го нашол во Македонија. Иселен како дете во многу мала возраст, по 35 години повторно живее на македонска територија.
- „Национална кампања за стекнување на македонско државјанство на сите Македонци по род, родени надвор од државата,не како административна постапка туку како чин на припадност, на признавање па и на враќање дома. А денес сум повторно дома, не со цел да бидам товар на државата туку ресурс“ “ рече АНА ДУКОВСКА – Повратник од САД.
- „Гледам дека политиките и иницијативите кои се случуваат се од масовна вредност за државата и гледам многу топла иднина во тоа. Само ќе кажам дека во Македонија најдов, не само дома, туку најквалитетни и највредни луѓе кои што некогаш сум ги запознал “ рече ДАЛИБОР ФРУТНИК – Повратник од Австралија.
Многу од македонските повратници веќе отвориле и свои бизниси тука. Велат, можности има, само треба одлучност да се вратиме кај што секогаш ќе припаѓаме а не да се чувствуваме странци.
- „Дојдовме тука, го префрливме нашиот бизнис тука. Работиме на развој и регрутација на лидерски кадри. Работиме со притватниот сектор, компанииите топло го прифатија тоа“ вели МОНИКА ТОМАШЕВСКА – Повратеник од Холандија.
- „Подобри можности и услови ни додоа тука, и одлучивме да отвориме фирма тука во Македонија за ПВЦ, столарија и алуминиум“ рече ИСМАИЛ КОВАЧИ – Повратник од Швајцарија
Од Владата со јасна порака – државата има потреба од секој што заминал, кој со сето свое знаење и искуство ќе се врати дома.
Македонија се развива и има место за сите – и за оние што се тука, но и за оние што заминале, порача премиерот Христијан Мицкоски на Форумот на повратници. Според него, Македонија веќе не е земја што стои во место – економијата расте, се инвестира во индустријата, енергетиката и инфраструктурата, а се отвора простор за претприемништво и иновации.
- „Вашето враќање не е симболично туку суштинско, тоа е порака дека Македонија не е заборавена, дека корените не се пресечени, дека љубовта кон домот не исчезнува без разлика на годините и далечината. Сакам јасно и искрено да кажам – ние не може да им се лутиме на оние кои заминале, ги разбираме. Ја разбираме нивната мака, борба и тешки одлуки. Знаеме дека многумина заминаа бидејќи немаа избор. Но, колку и да оди човек далеку, срцето секогаш влече назад, затоа што, како што мудро вели нашиот народ – каменот тежи на своето место, “ рече Мицкоски.
Владата веќе разгледува можности со надлежните институции да ги олесни даноците кон државата на сите кои ќе се вратат, а Мицкоски вети дека ќе сторат се секој следен ден да биде подобар од претходниот.
