Реклама

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Мицкоски: Граѓаните да бидат спокојни, до денар ќе си ги добијат своите пари

Дождовите ја спасија есенската сеидба на житото, земјоделците чекаат да се засуши земјата за да влезат во нивите

Граѓаните кои немаат платежни картички, а имаат сметки во „Алта банка“, од денеска можат да си ги подигнуваат парите

Град Скопје ги ослободува младите брачни парови од плаќање комуналии за изградба на куќа

Полициски специјалци во акција во Куманово – Се разбива организирана криминално-лихварска група

Хаос на европското небо – лажни дојави за бомби го пореметија авиосообраќајот

Прилози

Лесново ќе биде прв геопарк во Македонија – иницијатива за заштита под УНЕСКО

Општина Пробиштип покренува иницијатива Лесново да стане првиот геопарк во државата, под…

Сподели:
Фото: Алфа Вести

Општина Пробиштип покренува иницијатива Лесново да стане првиот геопарк во државата, под заштита на УНЕСКО. Подрачјето што го опфаќа регионот меѓу Злетово, Пробиштип и Кратово важи за редок природен феномен. Лесновскиот кратер, со своите пештери, остатоците од древни вулкански активности и специфични карпести форми, претставува уникатно геолошко откритие.

„Се надевам дека ќе наидеме на поддршка од општините од Источниот плански регион, Бирото за рамномерен регионален развој, локалната самоуправа и Владата, бидејќи ова е едно специфично вулканско подрачје кое ќе претставува место каде што ќе можат сите заинтересирани посетители за овој тип на туризам да видат како изгледа еден кратер и кои се убавините на овој лесновски регион“, изјави Тони Тоневски, градоначалник на Пробиштип.

Лесновскиот манастир, природните пештери и уникатните пејзажи нудат реална можност за развој на туризмот и зајакнување на локалната економија. Со негова валоризација и заштита, регионот би добил и поголема меѓународна препознатливост, посочува Тоневски.

Реклама

„Тука се вулканските ‘бомби’, пештерите во самиот лесновски кратер во близина на манастирот. Има многу содржини од геолошки аспект кои сите заинтересирани ќе можат да дојдат и да ги видат, а ние како регион ќе се гордееме со тоа“, изјави Тони Тоневски, градоначалник на Пробиштип.

Ваква иницијатива, со која Кратовско-злетовската област се прогласува за прв геопарк во државата, беше покрената пред десетина години. Нашата земја располага со богато геонаследство, а потенцијални локации за геопаркови се Маркови Кули кај Прилеп, Кањонот на Радика, Демиркаписката клисура и кањонот Матка. Во Европа има околу 70 геопаркови, а на Балканот вакви заштитени подрачја има во Грција, Словенија, Хрватска и Бугарија.