Многу приватни, малку јавни домови за стари луѓе во Македонија. Државата располога со пет државни старечки домови со 638 легла, додека во приватниот сектор функционираат вкупно 39 дома за стари лица, со капацитет за сместување на 1.563 луѓе. Ова е црвен аларм за институциите дека се потребни сериозни реформи за згрижување на оваа категорија граѓани – вели директорката на најголамата Геријатриска установа “13 ноември” д-р Ленче Нелоска. Според неа, главниот проблем во приватниот сектор е немањето на доволно стручен кадар кој знае како да ја пружи неопходната нега. Доказ за тоа е и последниот случај кој изби во јавноста со хророр приказната во двата приватни старечки дома “Актив” и “Арија” каде што згрижените беа малтретирани, несоодветно лекувани и хранети со храна со изминат рок.
“Во недостиг на капацитети овие домови се преплавени со лица кои реално се пациенти, тие не се резиденти не се корисници, и она што би требало да бидат луѓе кој што живеат во старски домови.Таму треба да бидат луѓе кои се самостојни во секојдневните животни активности…најчесто во приватните домови се сместени лица на кој им треба 24 часовна здравствена нега, тие не се конципирани за такво нешто, тие немаат капацитет ниту просторен ниту кадровски капацитет да можат да се справат со тој предизвик” – вели д-р Ленче Нелоска, директорка ЈЗУ Специјализирана болница за геријатриска и палијативна медицина
13 Ноември Скопје.
Згрижувањето стари луѓе во домови станува се‘ посериозен социоекономски проблем вели Нелоска.И најави сериозни реформи во оваа насока. Министерство за здравство заедно со Министерството за социајла и други експерти се сложни дека потребни се нови регионални центри во Македонија за сместување на стари луѓе. Според неа тоа е клучното решение граѓаните во трето доба да добијат достоинствен живот.
“Проблемот е суштински затоа што во Македонија нема се уште категоризација на пациентите за нивната здравствена состојба…односно за степенот за грижа на која што им е потребна.И нема лиценцирани кадри за различни категории..односно, тоа е нешто што се залагам јас” – вели д-р Нелоска.
Случајот со суровото изживувањето врз старите луѓе беше откриен во заедничка акција на полицијата, обвинителството и инспекциски служби, кои открија нечовечки и понижувачки третман на згрижените од страна на вработените во старечките домови Арија и Актив. Двете сопственички се во притвор и ќе одговараат кривично.
