Собранието се уште не добило никакво известување од Уставниот суд во однос на оспорените членови на Кривичниот законик, вели првиот човек на парламентот Африм Гаши, откако Уставниот суд донесе одлука да се поведе постапка за оценување на уставноста на законските измени и дополнувања на Кривичниот законик, во целина.
„Ние не сме добиле никакво известуање од Уставен Суд, ниту пак рокови за промена на евентуални спорни законски одредби. Се знаат ингеренциите на Уставниот суд – точно е, тие треба да ценат дали некој закон е уставен или не. Нивното право е да донесат одлука па после институциите да постапат по нивните одлуки“ вели Гаши.
Што се однесува до институционалната комуникација, собранискиот спикер вели дека е на високо ниво и сите треба да соработуваат за носење на Кривичен законик кој ќе ги исполни критериумите.
