Градоначалникот на Струмица, Костадин Костадинов, преку објава на Фејсбук информира дека денеска во Владата се потпишани договори за неколку стратешки важни проекти за градот, со вкупна вредност од речиси 6,5 милиони евра.
„Ова не се само проекти – ова се конкретни чекори за ново урбано лице на нашиот град. За повисок квалитет на живот, за поубава, поподготвена, похумана и поевропска Струмица“, напиша Костадинов.
Проектите што ќе се реализираат опфаќаат:
- продолжување на уредувањето на каналот „Крушевска Република“,
- инвестиции во станбени и сервисни улици,
- целосна инфраструктура околу новиот градски пазар – планиран како најголем во Македонија.
Градоначалникот се заблагодари на својот тим, на Владата и на премиерот за препознавањето на визијата и за поддршката што, како што вели, значи валоризација на вложениот труд.
„Струмица чекори напред – заедно, со работа, со визија, со љубов кон градот“, стои во неговиот статус.
Целиот статус и фотографии од објавата може да ја погледнете на официјалниот профил на градоначалникот на Струмица Костадин Костадинов, на следниот линк:
