Многубројната публика која синоќа го следеше фудбалскиот натпревар меѓу Македонија и Црна Гора покажа и докажа дека Битола го сака, живее за спортот и за вакви големи настани под рефлектори на стадионот кој ги има сите услови и за меѓународни натпревари, истакна градоначалникот Тони Коњановски.
Во изјава за медиумите, градоначалникот Коњановски нагласи дека Битола е спортски град секогаш подготвен за меѓународни натпревари.
– Синоќа спортот и верната публика на фудбалот, покажа и докажаа дека Битола е спортски град. Натпреварот го следевме со секретарот на Општината Борче Димитровски, како и бројни спортски работници кои беа на трибините на стадионот. Задоволство беше да бидам дел од многубројната публика на стадионот „Петар Милошевски“ во Битола, на натпреварот меѓу младите селекции на Македонија и на Црна Гора. Ова беше голем ден за спортска Битола, многубројната публика покажа и докажа дека Битола го сака, живее за спортот и за вакви големи настани под рефлектори на стадионот кој ги има сите услови и за меѓународни натпревари, посочи Коњановски.
Од Општина Битола потсетија дека продолжуваат со поддршка на спортот за сите спортски дисциплини и инвестиции во спортски објекти за ученици, рекреативци и професионалци.
