Реклама

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Енергетска криза во Европа – експертските поддржуваат активирање на сите домашни капацитети за стабилни цени во Македонија

Семакедонска средба во Штип – борбата за идентитетот и правата продолжува

Изградбата на автопатот Кичево-Охрид оди според планот, се најавува негово пуштање во мај следната година

Реформите во заврша фаза- Македонија во очекување на нови милиони евра од ЕУ преку Планот за раст

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Македонија

Клековски: ДСЗИ констатира прекршоци на Клиниката за неврологија во лекувањето на Михајлова, побаран стручен надзор и за медицинскиот дел

Министерството за здравство побара проширување на надзорот на Државниот санитарен и здравствен…

Сподели:
Фото: Алфа Вести

Министерството за здравство побара проширување на надзорот на Државниот санитарен и здравствен испекторат за случајот со Ива Михајлова со вклучување здравствени установи, каде што во 2025 и 2026 година биле вршени одредени здравствени услуги. Дополнително, ќе се формира комисија за стручен надзор за медицинскиот аспект во однос на лекувањето на пациентката – истакна денеска министерот за здравство, Сашо Клековски.

Одговарајќи на новинарски прашања по промоцијата на проектот за набавка на 100 нови амбулантни возила, тој истакна дека иако вчера во Софија имал средба со неговата бугарска колешка, на која разговарале за повредените во Кочани, постигнале премолчена согласност дека прашањето за Михајлова е од доменот на правдата.

– Во основа постигнавме премолчена согласност дека прашањето на Ива не е здравствено прашање, туку е прашање од доменот на правдата бидејќи лицето е бегалец од правдата, барана со меѓународна потерница. Бидејќи е тоа прашање на правдата, а не здравствено, не го разговаравме – рече Клековски.

Реклама

За извештајот на ДСЗИ поврзан со професорот Иван Барбов во однос на лекувањето на Михајлова, министерот посочи дека има констатирани прекршоци и оти е побаран стручен надзор за медицинскиот дел од извештајот.

– Во основа барав дополнување на извештајот на ДСЗИ, кој беше по иницијатива на Клиниката за неврологија, бидејќи не се следени целата патека и здравствените постапки што Ива ги имала во здравствените установи во Македонија. Дополнително, побарав надзорот да се прошири на една приватна здравствена установа, каде што е третирана во меѓупериодот, за да добиеме комплетна препорака. Веќе во оваа фаза има констатирани прекршоци и веќе во оваа фаза е побаран стручен надзор за медицинскиот дел од извештајот – изјави Клековски.

Премиерот Христијан Мицкоски, кој присуствуваше на промоцијата на проектот за набавка на 100 нови амбулантни возила, рече дека навредливата изјава на бугарскиот министер за внатрешни работи не заслужува коментар.

– Видете, имам што да одговорам, но мислам дека поединци не заслужуваат да бидат во центарот на вниманието. Мислам дека ваков тип на естрада, која денеска ја гледаме таму, а што е поврзано со фолклорот за нивните претседателски избори, не заслужува коментар и мислам дека и вие како медиуми треба да ги игнорирате ваквите изјави на поединци – изјави Мицкоски.

Во однос на прашањето за повредените од Кочани, министерот Клековски рече дека заедно со работната група има планови, кои набргу ќе бидат објавени.