Родителите трагаат по вистината, а од скопска гинекологија ги чекаат деталите за тоа како дошло до скршеницата на раката на новороденчето на семејството Дамјановски. Два дена по случајот кој доби актуелност дури откако таткото јавно алармираше дека од гинекологија криеле информации за состјбата на неговото дете и бил избркан оттааму, се огласија од клиниката. Директорката Јовановска со поинаква верзија. Тврди дека таткото не бил пуштен во клиниката поради тоа што бил агресивен, а не поради тоа што се криеле информации, а на мајката не и билo кажано оти биле во тек проверките.
Во моментов раката на бебето е во гипс, а според докторите, тоа нема да има траен инвалидитет ниту долгорочни последици. За колку комплициран случај станувало збор денеска пред медиумите демонстрираше директорката на ГАК, со со бебе кукла. Според Јовановска, станувало збор за предвидена компликација која не се случувала често.
Најблиските од семејството Дамјановски биле на разговор кај директорката, и им било објаснето за причините за скршеницата на бебето. Мајката била породена во саботата, околу 18 часот, со царски рез.
Во последниве две недели, неколку скандали избија на скопска гинекологија. Акушерка ненамерно пресекла дел од прст на новороденче ,при што беше суспендирана. Но и скандалозниот оглас за вработување на доктори по националност. Каде што ГАК објави оглас за двајца доктори на специјализација по гинекологија и акушерство, еден од турска и еден до албанска националност, двајца специјализанти по педијатрија од албанска националност и специјализанти по анестезија и интензивна медицина каде што се бараат Ром и Албанец.
