Дочекот на новата година кај семејството Ахмети беше со 749 петарди и огномети помалку. Сепак, прославата не беше проблем оти истражните органи уште тактизираат како да се санкционира младиот бизнисмен од Зајас.
Фактите и доказите, што веќе се видоа, ќе биле клучни за истражните органи. Оливер Спасовски, топката ја префрла во Обвинителството, тие да одлучат за што ќе одговара помладиот Ахмети. Првиот човек на МВР, тврди дека во поднесокот од полицијата за Дрин Ахмети фатен со петарди во гепекот, стои и членот 396 од Кривичниот законик.
- „Ние ги преземавме сите потребни активности од полициски аспект. Одземени се сите тие предмети кои што беа најдени, и е доставен поднесокот до ОЈО, обвинителството ќе оцени за тоа како понатаму ќе се постапува понатаму.. Ние сме поднеле известување до Јавното обвинителство во однос на нашите сомненија, и по овој член (мислејќи на 396 од КЗ), меѓутоа треба да се земат во предвид, овие факти и докази кои што се, и врз основа на тоа, ќе ги донесе одлуките, вели Оливер Спасовски – Министер за внатрешни работи.
Членот 396 од Крвичниот претрпе промени со последните измени. Сега, ако некој се бави со трговија на пиротехнички средства се казнува со затвор и до десет години, додека за превоз на петарди и огномети санкцијата е многу помала.
ЧЛЕН 396 ОД КРИВИЧНИОТ ЗАКОНИК:
- „Ако предмет на делото е поголемо количество на распрскувачки материи наменети за дозволени забавни, свeчени и други активности, сторителот ќе се казни со парична казна или со затвор до три години“.
Од обвинителството последните скромни информации се дека чекаат вештачење на доказите па обвинител треба да срочи за што ќе одговара.
Јавноста се уште не знае каде со лисици на рацете Дрин Ахмети беше спроведен со цивилно возило на полицијата. Три часа пееше во ПС „Беко“, откако тигри во близина на старата скопска чаршија го фатија со полн гепек пиротехника од „ренџ роверот“ со албански регистарски таблички.
https://youtu.be/8DN6ph53mL8
