Соопштение на ВМРО-ДПМНЕ:
„СДСM повторно демонстрира неспособност да понуди нешто ново.
Со месеци наназад зборуваа за некоја реформација и за нови лица. Кои се и каде се тие нови лица?
Филипче откако ја презема партијата се обидува да наметне некој наратив за реформирање, а сега во прва прилика кога треба да го оправда тоа што го зборуваше, тој повторно нуди имиња на познати стари ликови. Или по логиката на СДСM овие ликови би биле нереформирани.
Јавноста повторно е сведок на истите шеми на СДСM. Кандидатите кои СДСM ги нуди за претстојните локални избори не се ништо друго освен жив доказ дека заевизмот и понатаму е наративот по кој Филипче ја води партијата.
Изборот на кандидати е најјасната порака што една партија ја испраќа до граѓаните. СДСM во овој случај испраќа порака дека прво не е реформирана партија, што значи дека повторно ги лаже граѓаните. И второ, дека овие кадри се истите оние од претходно, кадри кои се познати низ општините по скандали и уништен углед.
Кандидатите на Филипче, или на тандемот Филипче-Заев се луѓе кои ги претстаавуваат најлошите практики на локално ниво. Од нив не се очекува никаков развој, ниту пак може да има некаков бенефит за граѓаните. Од нив се очекува послушност.
За какви интелектуалци зборуваше Филипче? За интелектуалци врзани за СДСM како приврзоци базирани на лична лојалност наместо компетентост, или интелектуалци кои ќе ги користат институциите за партиски цели.
СДСM само покажува дека ја продолжува истата политика што граѓаните одамна ја отфрлија.
А тоа што Филипче сега е играч во кампањата, Филипче кој е симбол на здравствениот хаос и сомнителните тендери, тоа само покажува дека СДСM не се реформира туку се рециклира.
Со вакви луѓе, СДСM не тргнува на избори, тргнува во уште еден директен, сигурен пораз.
Граѓаните веќе ги препознаваат ваквите структури на СДСM, криминални мрежи маскирани во социјалдемократи.“
