Градските улици се испразнија, а излетничките места се наполнија. Во весела атмосфера со музика, сончево време, мирис на скара и мезе, вака граѓаните го прославуваат 1-ви мај – меѓународниот ден на трудот.
Во излетничките места околу главниот град се бараше место повеќе. Убавото сончево време ги преполни местата околу Матка, Марков манастир, Водно, паркот Сарај и Кучково. Детскиот џагор и доброто расположение не изостанаа и кај младите и кај постарите…
За некого овој ден е како и останатите, за други пак, од година во година значењето на 1 мај се губи, дел од граѓаните велат дека порано имало повеќе за да може да се прошета и се одмарало и два дена, но сега е сосема поинаку.
Меѓународниот ден на трудот е државен празник во повеќе земји во светот.До 2006-тата година во Македонија се празнуваше два дена, на 1 и на 2 мај, од тогаш навака се одбележува само на првиот ден од месецот.
Ања Лукарова
