Собранието со 81 глас „за“ и 19 „против“ го изгласа Предлог-законот за изменување и дополнување на Законот за прекршоците, по скратена постапка.
Со ова се отвора патот за почеток на системот за автоматско снимање и санкционирање сообраќајни прекршоци „Безбеден град“ од 1-ви февруари.
По барање на координаторката на „Европскиот фронт“, Рина Ајдари, гласањето беше номинално, односно секој пратеник гласаше поединечно.
Со стапувањето во сила на промените, системот „Безбеден град“ ќе почне да функционира со санкционирање на сообраќајните прекршоци во првите градови опфатени со проектот, а во следниот период се очекува проширување на целата територија на државата.
