Изгаснат пожарот во „Средорек“, утрово горела и сендвичарница во Куманово

Изгаснат е пожарот што рано утрово избувна во кумановската населба „Средорек“, информираа од Територијалната противпожарна единица Куманово.

Пожарот бил пријавен во 05:35 часот, а интервенцијата траела околу два часа. Според командирот на ТППЕ Куманово, Борис Станковски, пожарот избувнал на ѓубриште и мини депонии.

Утрово кумановските пожарникари интервенирале и на пожар во сендвичарница на улицата Борис Кидрич. Во гаснењето учествувале едно противпожарно возило и пет пожарникари.