Црвениот крст денеска ја реализираше исплатата на средствата за семејствата на загинатите и повредените лица во трагичниот пожар во Кочани, како и за оние кои се лекуваат во странство.
„Вкупно се опфатени 58 семејства на починатите, вклучувајќи го и починатиот возач на Брзата помош во Кочани, како и 91 семејство на повредените лица кои се хоспитализирани во странство, информираат од Црвениот крст.
За секоја од жртвите и повредените е исплатена сума од 150.000 денари.
За две семејства од починатите и 24 семејства на повредените лица кои се лекуваат во странство, сè уште се чекаат дополнителни податоци за да се реализира исплатата и за нив. Во моментов се собираат податоци за повредените кои се лекуваат во државата,“ додадоа од Црвениот крст.
Заклучно со денешниот ден, собрани се вкупно 61.852.758,00 денари.
