Инфлацијата во мај на годишно ниво била 3.3%, а на месечно 1.5%. За една година храната и пијалаците поскапеле за 4.9%, алкохолот и цигарите за 6 отсто, а комуналиите за 2.2%.
Храна и безалкохолни пијалаци 4.9 %
Алкохолни пијалоци, тутун и наркотици 6%
Облека и обувки 2.9 %
Домување, вода, електрична енергија, 2.2
гас и други горива
Извор: Државен завод за статистика
Ова е прво мерење на инфлацијата откако престанаа да важат мерките за ограничени цени и маржи кои Владата ги спроведуваше до крајот на април.
Во текот на мај се спроведуваа засилени контроли за тоа како трговците се однесуваат откако беа ослободени од ограничување. Првичните информации од извештајот од пазарен инспекторат велат дека нема драстично зголемување на цените на основните прехранбени производи. Министерот за економија Бесар Дурмиши вели дека покачување е забележано кај одредени сезонски производи. Сепак целосната состојба ќе се види од финалниот извештај кој утре ќе стигне на Илинденска.
-Денеска се слушнав со директорот. Утре ќе биде доставена до Влада информацијата за вонредните контроли во мај. Ќе не известат точно како се движеле цените по завршување на мерката. Од она што знам засега, нема драстично зголемување на цените, само на производи кои се сезонски, но тие не спаѓаат во делот на прехранбените основни производи. Од она што усно ме информираше директорт на ДПИ, немаме драстично зголемување на цените на основните прехранбени производи. Утре подетално ќе бидеме известени, а извештајот ќе биде доставен и до медиумите и до граѓаните.
Извештајот од пазарна треба да покаже и дали трговците го почитуваат законското решение за задолжително објавување онлајн на цените на сите производи од сите продажни места освен микротрговците. Во однос на тоа дали ќе се менува рамката за кој се го опфаќа оваа обврска и дали ќе се менува прагот на вработени, Дурмиши вели дека Владата постапува онака како што налага законот, а ако се покаже потреба дополнително ќе се направат измени.
