Членовите на Судскиот совет наместо да се изјаснат што одлучиле за одговорноста на судијата Пајазит Пајазити, којшто со куќниот притвор му даде шанса на Блерим Рамадани да избега, тие си закажаа редовна седница на која точка на дневен ред е пензионирање на судија и престанок на мандат на нивен член. Јавноста уште инсистира на одговорност од судијата којшто без нови докази поранешниот припадник на УЧК од Шутка го смести во куќен притвор, а надлежните што треба да одлучат за неговата одговорност, констатираа само фактичка состојба.
Дел од правната фела зачудена како судиите и обвинителите не сносат никаква морална и професионална одговорност.
Минатата недела членовие на судски го усвоија извепштајот за постапувањето на Пајазит Пајазити и утврдија фактичка состојба, односно дека тој при неизменити околности од затворски го смести Рамадани во куќен притвор.
Наместо да се бара ланец од одговорност на сите судии што одлучуваа за случајот Рамадани, освен за притворот и за екстрадицијата, па и кај оние од кривичен совет чија одлука некој му ја шепна на бегалецот, Членовите на судскиот совет со оглед на распоредот на денешната седница си тераат по свое.
Колку за потсетување, уапсениот Рамадани, на 18 јули се согласил пред судијата Пајазити да биде екстрадиран по скратена постапка во Србија и се согласил да биде суден. Пајазити тогаш му определил притвор. Но, на 22 јули, Рамадани поднел жалба преку својот адвокат во кој навел дека не го разбрал преведувачот кога зборувал за скратената постапка за екстрадиција. Според Законот за меѓународна соработка, изјава за скратена постапка за екстрадиција е неотповиклива и не може да биде повлечена, па оттука Рамадани немал право да се премисли.
Сепак, судијата Пајазити го прифатил премислувањето и згора на тоа иако немало изменети околности и се уште постоела опасноста од бегство, на Рамадани му одредил куќен притвор и тоа да го издржува кај роднини.
На последната седница на Судски, ништо од ова не беше дискутирано. Не стана збор ниту за тројцата колеги на Пајазити кои според одлуката на Врховен, одлучиле незаконито при неопределување екстрадиција на Рамадани.
Освен бурни рекации кај домашната јавност која чека одоворност од судиите, официјален Белград побара одговори од државните органи како Рамадани баран преку Интерпол од куќен успеа да избега за Косово.