На 30.06.2025, во координација со МВР – СВР Струмица, спречивме обид за шверц на 100 килограми марихуана, напиша на Фејсбук директорот на АНБ, Бојан Христовски.
Агенцијата за национална безбедност заедно со СВР Струмица и јавниот обвинител, сопре возило со лажни таблички во кое беа откриени шест торби полни со дрога. Уапсени се три лица. Ова е уште еден доказ дека кога институциите соработуваат – резултатите се видливи. Безбедна држава е цел која ја постигнуваме со посветена и чесна работа. Голема благодарност и честитки до сите вклучени колеги, истакна Христовски.
