Поради протест на грчките земјоделци, од денеска, па во наредните два дена, затворени за сообраќај ќе бидат граничните премини Меџитлија и Богородица.
Грчките земјоделци најавија дека ќе ја блокираат целата национална патна мрежа, споредните патишта и клучните патни правци во земјата, како и граничните премини. Единствено на граничниот премин Дојран сообраќајот се одвива непречено, со оглед на тоа што таму не се поставени блокади.
Затворени ќе бидат и граничните премини кон Бугарија, како и Какавија кон Албанија. Во другите делови на Грција, блокади се планирани на автопатот Солун–Атина, на автопатот Егнатија, на автопатиштата на Пелопонез, како и на автопатот во Западна Грција.
