Министерката за образование и наука Весна Јаневска и директорот на Германската развојна банка за Југоисточна Европа, Клаус Милер денеска во Владата ќе потпишат договор за неповратен грант од ЕУ во износ од 5,5 милиони евра, кои ќе се искористат за енергетски ефикасна рехабилитација на државните студентски домови во државава.
– Средствата се обезбедени преку Инвестициска рамка за Западен Балкан (Western Balkans Investment Framework)/ специјализирана Регионална програма за енергетска ефикасност (REEP Plus) и го надополнуваат заемот кој Министерството за образование и наука (МОН) го обезбеди од Германската развојна банка (KFW) за модернизација на државните студентски домови, со цел подобрување на квалитетот на живеење за студентите и намалување на CO₂ емисиите, информира МОН.
