Според најновото истражување на јавното мислење спроведено за МКД.мк, мнозинството од граѓаните се изјасниле за промени во клучните правосудни институции. Околу половина од испитаниците (50,3%) сметаат дека е неопходна промена на составот на Судскиот совет, додека 45,7% се изјасниле дека треба да се смени јавниот обвинител.
Негативен одговор на овие прашања дале околу 20% од анкетираните, што укажува на значителна поддршка за реформи во правосудниот систем.
Истражувањето е спроведено од 20 март до 17 април, преку CATI метод (телефонско анкетирање со помош на компјутер), врз репрезентативен примерок од 1.200 испитаници. Статистичката грешка на истражувањето е ±3%, со интервал на доверба од 95%. Примерокот е усогласен според регионална припадност, пол, возраст и етничка структура, согласно податоците од пописот на резидентното население во 2021 година.
