Ѓорѓиевски: На Скопје, освен генералка и јавни претпријатија што ќе бидат функционални, му недостигa и ред, има хаос и тој треба да се среди.

Во кампањата за локалните избори ќе нудам решенија за проблемите на граѓаните, кои се презаситени од црни кампањи, вели во интервју за МИА Орце Ѓорѓиевски, актуелен прв човек на општина Кисела Вода и кандидат за градоначалник на Град Скопје на ВМРО-ДПМНЕ и на коалицијата. Ѓорѓиевски е оптимист дека ќе победи на локалните избори во Скопје со двојна предност пред останатите кандидати во првиот круг од изборите, а повторува дека она што прво ќе го направи во градот е „генералка“, бидејќи граѓаните заслужуваат чист град.