Со длабока жал ја примив веста за лицата кои загинаа и се повредија при пожарот што се случи во градот Кочани, Македонија. Изразувам сочувство до Вашата државничка висост и сите граѓани на братска и пријателска Македонија, на чело со блиските на загинатите, додека ранетите им посакувам брзо заздравување, се вели во писмото од турскиот претседател Реџеп Тајип Ердоган.
Претседателот на Република Турција, Реџеп Тајип Ердоган, упатил писма со сочувство за загинатите во трагедијата што се случи во Кочани до претседателката Гордана Сиљановска Давкова и до премиерот на Република Македонија, Христијан Мицкоски.
Од Амбасадата на Турција во Република Македонија соопштија дека писмо со сочувство испратил и министерот за надворешни работи на Република Турција, Хакан Фидан, упатено до министерот за надворешни работи и надворешна трговија на Република Македонија, Тимчо Муцунски.
– Со длабока жал ја примив веста за лицата кои загинаа и се повредија при пожарот што се случи во градот Кочани, Македонија. Изразувам сочувство до Вашата државничка висост и сите граѓани на братска и пријателска Македонија, на чело со блиските на загинатите, додека ранетите им посакувам брзо заздравување, се вели во писмото од турскиот претседател Ердоган.
Турскиот амбасадор Улусој вчера се потпишал во книгата на жалост отворена во Министерството за надворешни работи и надворешна трговија на Република Македонија за лицата кои ги загубија своите животи за време на пожарот во Кочани. Амбасадорот потоа остварил средба и со државниот секретар на наведеното Министерство, Елена Кузманоска, при што изразил сочуство, како и желби за побрзо закрепнување на повредените лица.
– Турција , како и во минатото, секогаш е подготвена да му помогне на пријателскиот и братски народ на Македонија, се наведува во соопштението од Амбасадата.
Во Амбасадата на Република Турција, турското знаме е спуштено на пола копје.
