Корупцијата го ограничува економскиот раст и креира проблеми кои негативно влијаат врз политичките текови во државата. Експертската јавност се мобилизира за да помогне со совети и конкретни предлози за поефикасно справување со едно од клучните зла кои го кочат развојот на државата. Поранешни амбасадори, министри, вицепремиери собрани на едно место заговараат решенија кои би се имплементирале во соработка на политиката и граѓанскиот сектор. Клучниот чекор е изборот на судско-обвинителскиот за кој сметаат дека треба да претрпи промени, односно да има поголемна контрола од страна на граѓанскиот сектор:
„Наша надеж е дека ќе ја отвороиме темата на еден поинаков начин, поинвентивен од минатото. Воедно да најавам дека покрај овој настан кој што е општ, ќе имаме уште еден конкретен настан каде што ќе предложиме конкретни реформи во почитичкиот систем и во делот на делувањето на државните институции со цел да се ограничи просторот за корупција, а и со цел да се валоризира гласот на граѓанинот“, рече Ивица Боцевски, поранешен амбасадор.
Поранешниот министер за финансии Кирил Миновски вели дека борбата против коурпцијата треба да започне од највиоските кругиви на власта, но потребна е визија и за добро управување.
„Ќе говороиме и за добри практики на добро управување кои се имплементирани во различити држави кој што дале позитивни резултати, како од аспект на сузбивањето на корупцијата така и од аспект на поттикнувањето на реформите во општеството и економскиот раст и подобрувањето на животниот стандард на граѓаните“, смета Миновски.
Според професорот Миодраг Лабовиќ, корупцијата не е проблем само во Македонија, туку е и глобален проблем, но некако во Македонија се добива впечаток дека нема интерес да се најде решение. Според него, потребно е менување на правилата за избор на судии и обвинители, и обид за целосна независност. Сегашниот начин на избор на судскискиот и обвинителски совет и бирање Уставни судии премногу зависи од политчките партии, а нема контролен механизам од страна на граѓанскиот сектор.
