Преговарачката рамка не е Библија и таа може да се промени – искуствата покажуваат дека тоа е можно со силна дипломатска битка, децидни се упатените. Рамката за пристапување кон ЕУ која ја има Македонија е резултат на политиката на попустливост и замижување пред македонските вредности, идеи и ставови. Според поранешниот вицепремиер за евроинтеграции – власта во очајнички обиди да го зачува својот рејтинг направи неколку чекори кон ЕУ, за кои, иако погрешни, веруваше дека ќе и ги променат шансите за победа на следни избори.
Македонската дипломатија можеше да направи да имаме далеку подобра преговарачка рамка, да се опстои на нашите ставови, на нашите вредности, идеи, билатералните спорови да не бидат дел од ПР, но беа во очај, и со една стесната свест. Тие мислеа дека ако покажат било какво помрднување кон ЕУ дека тоа ќе им ги промени шансите за победа на избори кои се непостоечки. Влегоа во една лоша авантура која ќе ја чини скапо државата. Дали е можна промена – критично за Македонија е да се осигура, она што се случуваше по декларацијата во Бугарското собрание во 2019 и после овие години каде имаме напад врз идентитетот, безбедноста, итн, како Пендиков итн, имаме лоиша реторика, дека мк јазик не постои, дека народот не постои – сето тоа треба да се сопре. Македонската дипломатија по изборите ќе мора тоа да го промени, вели поранешниот вицепремиер за евроинтеграции Ивица Боцевски.
Извршниот директор на Евротинк смета дека постоеле случаи на промена на преговарачки рамки, но во случајот со Македонија неопходен е договор со Бугарија.
Постоеле такви случаи, кај нас пробелмот со промената на рамката е потребна согласност. Кај нас, во нашиот случај се работи за еднигласност, и без да се договориме со Бугарија билатерално, да дадат поддршка за промена на преговарачка рамка, не би можело тоа да се случи, вели извршниот директор на Евротинк, Димитар Николовски.
Укинување на Договорот со Бугарија и двата протоколи, наместо обиди да се промени преговарачката рамка, би било уште подобро решение, според поранешниот амбасадор Ристо Никовски. Тогаш, Македонија би имала можност одново да ја започне процедурата за пристапување кон ЕУ, на како што вели ток, демократски и природен начин.
Во Црна Гора 7 пати е реформирана нивната преговарачка рамка, Србија имаше повеќе промени, последно со Договорот од Охрид, Преговарачката рамка не е Библија, и дописничката од Брисел рече дека таа може да се промени, но ако ние покренеме постапка, ќе биде скоро невозможна таа процедура, но, единствен начин, е да се откажеме од Догоговорт со Бугарија и протоколите, со кои ние се закопавме длабоко во земја. Кога ќе се откажат тие апсолутно паѓа во вода и преговарачката рамка, вели поранешниот амбасадор Ристо Никовски.
Преговарачката рамка беше усвоена на лани на 18 јули од Советот на ЕУ. За овој патоказ, неретко експертите коментираат дека условите кои важат за земјите од Западен Балкан се уникатни и ги немало при претходните процеси на проширување. Тоа пред сè, се однесува на имплементацијата на билатералните договори со Грција и Бугарија како дел од критериумот од Процесот за стабилизација и асоцијација за добрососедските односи, но и голем дел од дополнителните барања од страна на Бугарија кои сега се составен дел на Заклучоците на Советот на ЕУ.
