Во овие година дена од Владата предводена од ВМРО-ДПМНЕ главен приоритет и фокус на владата беше економијата. Грижа за сите граѓани и посветеност на изградба на економска визија базирана на факти, докази и долгорочно планирање, соопшти ВМРО-ДПМНЕ.
„Од економија што тоне со Владата предводена од ВМРО-ДПМНЕ економијата почна да заздравува и да се стабилизира.
Инфлацијата се стави под контрола. Од двоцифрена инфлација за време на СДСМ и ДУИ до околу 3% инфлација денес преку мерки, проекти и јасна визија.
Обезбедени беа 500 милиони евра за поддршка на компаниите и за поддршка на општините за реализација на капитални проекти. 250 милиони евра за поддршка на компаниите за реализација на инвестициски циклус, и 250 милиони евра за поддршка на општините за реализација на капитални проекти за подобрување на животот на граѓаните.
Во првиот квартал од оваа година се постигна раст на БДП 3,2% што е потврда за стабилизација на макроекономската состојба, забрзување на домашната економија и повисоки стапки на економски раст. Сето тоа Македонската економија ја става на 4-то место во Европа според растот на БДП, во првиот квартал и се наоѓа веднаш зад Ирска, Данска и Полска.
За разлика од минатото, сега има рекордно ниво на странски инвестиции од 1 милијарда и 255 милиони евра. Платите растат, и има повисоки плати во администрацијата, здравството, образованието, полицијата.
Се враќаат наследените долгови, целосно е отплатена еврообврзницата издадена во 2018 година, во износ од 500 милиони евра.
Првпат по седум години намален е јавниот долг, заклучно со март 2025 година има намалување 4,7 процентни поени во однос на БДП, односно за 36 милиони евра. Намален е и буџетскиот дефицит за 4% од БДП.
Владата предводена од ВМРО-ДПМНЕ ги намали царинските стапки. Се намалија царинските стапки за 67 стоки кои како суровини и репроматеријали се користат во домашната индустрија и целосна либерализација на увозот на стоки со потекло од САД како наш стратешки партнер.
Владата предводена од ВМРО-ДПМНЕ продолжува да креира мерки и проекти со цел економски раст и унапредување на економија за поквалитетен живот на граѓаните. Ги градиме темелите на промените. Доаѓа времето на Македонија“, потенцираат од ВМРО-ДПМНЕ.
