Со поддршка од администрацијата на Трамп до поголем економски развој на Македонија и регионот. Земјава е силно во фокусот на американската администрација. За Трамп е клучна улогата на Македонија како централна точка на поврзување, низ која минуваат сите главни транспортни коридори. Од Фондацијата Херитиџ сметаат дека соработката на енергетски план ќе биде значајно засилена. Влезот на енергенси од различни извори во Европа е од особено стратешко значење за новата американска администрација.
Американските компании и тоа како се заинтересирани за вложување во Македонија. Доказ за тоа дека САД во земјава гледаат силен партнер за соработка, ќе се преточи во бројни инвестиции во приватниот сектор – велат од Меѓународниот републикански институт.
И Србија гледа надеж во новата администрација на Трамп за повеќе инвестиции и искористување на ресурсите. За поголемо искористување на потенцијалите на економски план, особено влијание ќе има новиот претседателски пратеник за специјални мисии и политика Ричард Гренел.
Македонските фирми не треба само да чекаат влез на странски капитал во земјава, туку треба самите да соработуваат со фирмите од Балканот и да извезуваат во странство. За тоа да се случи, неопходно е да се спроведат реформи дома.
Во привлекување на инвеститори, но и извоз во странство, поголема улога ќе има и Министерството за надвотрешни работи, кое треба да го преземе и делот со надворешната трговија. Можностите за економска соработка треба да ги подобри и влезот на земјава во иницијативата „Трите мориња“ која сега опфаќа 13 земји-членки на ЕУ лоцирани меѓу Балтичкото, Црното и Јадранското Море.
