Генералниот секретар на СДСМ, Александар Саша Димитријевиќ, на денешната прес-конференција ја нарече пријавата за градоначалникот на Крива Паланка како срамен притисок и црна кампања на власта против, како што рече, успешните градоначалници од редовите на СДСМ.
„ВМРО-ДПМНЕ знае дека не може да победи во Крива Паланка, па не им останува ништо друго освен да ги вклучат режимските механизми за притисок и монтиран прогон. Режимот се враќа – но граѓаните не смеат да подлегнат на овие злоупотреби“, порача Димитријевиќ.
Според него, ова не е изолиран случај, туку дел од поширока, инструментализирана кампања во сите општини каде што раководи СДСМ – со инспекции, измислени прекршоци и кривични пријави, додека, како што тврди, во општините со кои управуваат ВМРО-ДПМНЕ и ВЛЕН – нема никакви проверки.
„Тошковски срамно го брани криминалот на Висар Ганиу од 225 милиони евра, а на оние кои чесно работат им се измислуваат пријави. Ова е удар врз демократијата, врз правниот поредок!“, рече Димитријевиќ.
Тој со порака и до членовите на СДСМ:
„Не смееме и нема да потклекнеме пред овие закани. Ваквиот режим еднаш го победивме – ќе го победиме пак со вистината и чесната работа.“
На ваквите обвинувања реагираше ВМРО-ДПМНЕ со соопштение, во кое наведуваат дека функционирањето на институциите не може да се смета за притисок, туку за редовна и законска обврска.
„СДСМ да се навикне дека законот важи за сите – времето на селективност заврши со нивното заминување во опозиција“, се вели во реакцијата.
Според ВМРО-ДПМНЕ, инспекциските служби работат во сите општини без исклучок и никој не е над законот, додавајќи дека институциите се независни и постапуваат врз основа на факти и докази.
„Наместо да плачат на прес-конференции, нека ги почитуваат законите и нека работат во интерес на граѓаните“, порачуваат од партијата.
Реакција на ВМРО-ДПМНЕ по изјават на Александар Саша Димитриевиќ
„СДСМ треба на се навикне дека законот важи и треба да важи еднакво за сите.
Помина времето на селективност и заштита на партиските лица и функционери на СДСМ. Времето кога прекршувањето на законите од страна на државните функционери беше правило и тие поминуваа неказнето, заврши со заминувањето на СДСМ во опозиција.
Монтираните процеси, реваншизмот и прогонот кон неистомислениците се одлика што го одбележа седумгодишниот период на владеење на СДСМ.
Редовното функционирање и инспекциите на институциите во општините и општинските претпријатија, не е и не може да се смета за притисок.
Тоа е редовна пракса и обврска на инспекциските служби и таа се спроведува во сите општини, без исклучок. Институциите се независни, работат согласно закон и постапуваат во согласност со доказите и фактичката состојба.
Наместо сега да плачи на прес-конференции, СДСМ и нејзините, и така малку функционери што ги има, да почнат да ги почитуваат законите и да работат во интерес на граѓаните.“ од овие два текста направи ми еден
