На тартан патеката во Градскиот парк денеска со почеток во 11 часот ќе се одржи детската крос-трка по повод Меѓународната недела на здравјето.
– Како и секоја година на овој ден со најмалите, децата од градинките го одбележуваме Светскиот ден на здравјето, со фокус на најважниот темел за секое општество – здравјето – соопштуваат од ЈУ. Детски културен центар „Карпош“ кои ја организираат трката по петти пат.
Во оваа спортска манифестација учествуваат дечиња од градинките од градот и околината. Трката изнесува 250 метри во мешана категорија, момчиња и девојчиња. Исто така, ќе се трча и штафетно трчање 200 метри 4×50 метри.
– Целта на оваа манифестација е да го одбележиме меѓународниот ден на здравјето и да испратиме порака – Спортувањето и здравиот начин на живеење ќе допринесат за долг и здрав живот – нагласуваат од ЈУ. Детски културен центар „Карпош“.ар
Фото:ЈУ. Детски културен центар „Карпош“.
