Даниела Димовска ќе седне во жешкото претседателско столче на Кривичниот суд, на кое до пред еден месец седеше Иван Џолев. Колегите од Судксиот совет ја изгласаа за вд претседател на Скопска единица. Со 10 за и двајца против. Членките на Судкиот совет, Антоанета Димовска и екс адвокатката Тања Чачаровска Илиевска со контра аргументи за единствениот предлог за вд претседател на Кривичнот суд, судијката Даниела Димовска. Антоанета Димовска и била ментор и упати пофални зборови, додека Чачаровска Илиевска имаше замерка зошто токму таа е единствениот предлог .
Не се пополни само претседателското столче во Кривичниот суд. Африм Фидани и одицијално стана шеф на највисокиот суд во државата по повеќе од еден месец откако беше избран на функцијата на седница на Судскиот совет.
Во дискусијата пред да биде изгласан во мај годинава, меѓу членовите се разви дискусија за неговата анонимност во јавноста, па и меѓу судиите, како и недоволното познавање на состојбите во судството по актуелните прашања.
Заклетва дадоа и потпишаа и судиите Марија Клетничка-Марковска, Оља Ристова, Иван Џолев и Бетим Јахја, кои добија унапредување и ќе бидат судии во Апелацискиот суд Скопје за кривична област. Без разлика на реакции во јавноста за нивниот избор, претседателот на Судкси совет уверува дека изборот бил според ранг листа.
На седницата беа избрани и неколку судии за Апелацискиот суд, но за граѓанска област. Но, тие денеска не дадоа свечена изјава бидејќи, како што кажа претседателот на Судскиот совет, Александар Камбовски, таму постапката не е правно завршена, односно досега се пристигнати три жалби.
