Киро Глигоров, првиот македонски Претседател одбил 100 милиони долари за промена на името, стои во декласифицираниот документ од американската разузнавака агенција ЦИА.
„Глигоров ја надгледува кампањата на неговата република за добивање меѓународно признавање. Тој изрази екстремно разочарување од одлуката на ЕК да ги поддржи грчките приговори за името „Македонија“. Тие изјавија дека, и покрај големата економска потреба на Македонија, Глигоров одбил приватна понуда од грчки претставници за 100 милиони долари помош под услов името да се промени“, стои во извештајот од разузнавачите.
Според документот, понудата му стигнала од грчки претставници, а на условот да пприфати промена на името за да ги земе парите, Глигоров одговорил дека никогаш нема да го стори тоа и оти грчките барања се целосно неразумни.
Во дукментот, Глигоров е опишан како почитуван државник, ветеран и реформатор.
„ постојано работеше на балансирање на конкурентските сили во неговата република и низ целиот Балкан“, стои во извештајот каде го опишуваат како мудар стар лисец.
Дополнително се наведува дека, додека регионот тоне во крвопролевање, Глигоров успеал да маневрира помеѓу жестокиот грчки притисок и заканата од Белград и внатрешните тензии во однос на Албанците.
Регионално, првиот македонски претседател имал претпазлив став кон Белград, иако се обидувал да одржи комуникација со лидерите на бивша Југославија.
„Ги отфрли обидите на српскиот претседател Слободан Милошевиќ да го натера да формира асоцијација со југословенската држава доминирана од Србија. Тој не му верува на Милошевиќ и ги смета него и хрватскиот претседател Фрањо Туѓман за одговорни за југословенската криза“, стои во извештајот.
Според ЦИА, Глигоров верувал на југословенскиот Премиер Милан Паниќ за формирање Балканска Унија која треба да ги опфати Грција и Турција.
