Поради најслабиот рејтинг досега, СДС и ДУИ се спремни да извршат најголем историски поткуп на следните избори и токму поради тоа неопходно е учество на опозицијата во техничката влада со цел да се спречи изборен поткуп и изборни манипулации“, истакна Наќе Чулев во емисијата „За или Против“ на ТВ АЛФА.
„Во ситуација кога СДС историски гледано од 1991 се наоѓа во најголемата криза, вклучително кога голем број на функционери на ДУИ и СДС се инволвирани во огромни корупциски скандали и кога се загрозени со кривично правно процесуирање доколку дојде до промена на власта, тие се спремни да извршат најголем поткуп во историјата на Македонија“, вели поранешниот министер за внатрешни работи и потенцира дека има сознанија дека во СДС и во ДУИ веќе се прават планови и се прават тајминзи за превземање на конкретни активности во смисла на изборен поткуп и изборни манипулации, како институционален така и индивидуално ниво.
„Мојот став по ова прашање е дека ВМРО-ДПМНЕ треба да учествува во техничката влада. Прво поради спречување на изборен поткуп, изборни нерегуларности и изборни манипулации“, вели Чулев.
