Четири години од трагедијата „Беса Транс“ во која животот го загубија 45 лица, меѓу кои и 12 деца

Денеска се одбележуваат четири години од една од најтешките сообраќајни несреќи во македонската историја. На 23 ноември 2021 година, автобус на „Беса Транс“ се запали на автопатот „Струма“ во Бугарија, живи изгореа 45 луѓе, меѓу кои и 12 деца. Седум патници успеаја да се спасат. Семејствата и натаму бараат правда – сопственикот на „Беса Транс“ е осуден на една година и осум месеци затвор за фалсификување исправа, а фирмата доби казна и четиригодишна забрана за меѓународен превоз. Истовремено, истрагата во Бугарија утврди дека трагедијата била последица на човечка грешка – неприлагодена брзина и губење контрола од возачот, кој загина во огнената стихија.