По повод чествувањето на Денот на народното востание – 11 Октомври, министерот за одбрана Владо Мисајловски заедно со министерот за дигитална трансформација Стефан Андоновски на партизанските гробишта во Бутел положија венец со цвеќе пред спомен-обележјето на хероите од Народноослободителната и антифашистичка борба.
Венец со цвеќе положила и делегација од Армијата предводена од началникот на Генералштабот, генерал – мајор Сашко Лафчиски.
Министерот Мисајловски упати честитка, во која посочува дека денешниот ден не потсетува на храброста, пожртвуваноста и идеалите на нашите предци, кои храбро ја повеле борбата за слобода, правда и достоинствен живот.
– Нивната решителност за создавање независна и слободна држава останува наша трајна и нè обврзува сите нас да се заложиме во изградбата на посилна, посигурна и просперитетна Македонија. Да ја чуваме нашата Македонија. Да ги негуваме слободата, демократијата и заедништвото. Да продолжиме заедно кон визијата за современа, безбедна и просперитетна Македонија!, вели Мисајловски во честитката.
