Не знам, не знам, ништо не знам. Ова е одговорот на Ангел Димитров шефот на бугарскиот дел за очекувањата од средбата со новата историска комисија од македонска страна и бугарските историчари. Димитров не можел да говори каков резултат ќе има средбата бидејќи не ги познавал новите членови на Комисијата, се познавал само со првиот човек Ванчо Ѓоргиев.
- „Не знам, не знам, ништо не знам… Не, не ги познавам. Претседателот го знаеме, но тоа не е доволно, Комисијата е од седум члена. Ви кажав дека не знам, ќе ви кажам после средбата, сега не знам“ изјави Ангел Димитров – копретседател на историската комисија.
Македонија има нова историска комисија, предводена од универзитетскиот професор Ванчо Ѓоргиев. Историчарот Митко Панов, кој е дел од новиот состав кажа дека е не може пред време да се кажуваат очекувања од средбата, но вели оптимист е дека доколку се постигнат начелата на слободно изразување на ставовите за историјата, можно е да има напредок во разговорител.
- „ Ќе видиме како понатаму ќе се делува. Она што е охрабрувачки е фактот дека како тим на историчари сме оставени слободно да ги изразуваме своите ставови и своите научни гледишта. Впрочем, со министерот за надворешни работи Тимчо Муцунски имавме протоколарна средба на која беше дециден дека ние како историчари и како комисија, формално сега, апсолутно имаме академска слобода на делување за какви било одлуки што ќе ги донесеме, ако ги донесеме, и за какви било дискусии во рамките на комисијата. Така што, тоа е за поздравување“ рече Митко Панов – Член на историската комисија.
Нов претседател на македонскиот тим во заедничката Комисија за историски и образовни прашања помеѓу Македонија и Бугарија е Ванчо Ѓорѓиев, професор на Филозофскиот факултет во Скопје, а покрај него челнови се Митко Панов, Александар Литовски, Никола Минов, Сашо Додевски, Бесник Емини и Димитар Љоровски.
Оваа средба доаѓа по шест месеци, претходно историчарите се сретнаа во мај во Софија, кога македонскиот дел од комисијата го водеше Драги Ѓоргиев.
Матеја Петровски
