Бројот на заразени со Ковид 19 во Тетово секојднево расте, граѓаните пак,се се повеќе опуштени.Мерките како да не важат во овој град-пред банките испоседнати еден до друг, градот е преполн со луѓе, дури се пие и кафе во некои помали угостителски објекти.
И граѓаните се свесни дека мерките не се почитуваат, и самите признаваат дека грешат.Во однос на најавите за можен полициски час за престојниот викенд, кога е празникот Бајрам, муслиманските верници, сметаат дека не треба да има ограничување на движењето.
Групирањата и собирањата, прво во џамија, па после и по роднини и пријатели, е токму еден од адетите за Рамазан Бајрам. За споредба, Турција за празникот воведе четиридневен карантин, слично како што беше кај нас за Велигден, минатиот месец.
Милена Вучевска
