Во рамки на 5-тиот Меѓународен форум за води во Истанбул, министерот за животна средина и просторно планирање, Муамет Хоџа, оствари билатерална средба со министерката за животна средина на Република Косово, Фиторе Пацоли.
На средбата, како што соопшти МЖСПП, било разговарано за унапредување на билатералната соработка во областа на заштитата на животната средина и управувањето со водните ресурси, како и за заеднички пристап кон регионалните предизвици поврзани со климатските промени.
Двете страни ја истакнале важноста на имплементацијата на европските стандарди и размената на искуства од тој процес.
-Соговорниците изразија подготвеност за продлабочување на соработката во наредниот период, преку заеднички иницијативи и проекти кои ќе придонесат за одржливо управување со природните ресурси и заштита на животната средина во регионот, се наведува во соопштението.
