Бизснисмените задоволни што ќе добијат 250 милиони евра поволни кредити обезбедени од економската рамка за соработка со Унгарија.
Претседателот на Стопанската комора Бранко Азески вели парите со камата од само 3.25% ќе му помогнат на бизнисот, но и дека државата треба да почне да размислува за намалување на парафискланите давачки и општо подобрување на бизнис климата.
За бизнис секторот е позитивно што капиталните инвестиции не се кратат значително со ребалансот на буџетот, како што тоа беше пракса во минатото.Тие се надеваат дека ќе добијат што е можно повеќе работа за изградба на патишта, пруги и друга инфраструктура затоа што бројките во градежниот сектор во првата година се поразителни.
Според Азески, клучно е да се задржи работанта сила, но и да се зголеми продуктивноста и извозот.
Меѓудругото, првиот човек на комората кажа дека одлуката за недела неработен ден ги носи во ќор сокак сопствениците, и побара Владата да ја преиспита оваа одлука.
Ања Лукарова
