Иако Европскиот парламент ја потврдува поддршката за македонскиот јазик и идентитет, граѓаните на Македонија се се поразочарани од европскиот пристапен процес. Причината за тоа е долготрајниот и комплициран пристапен процес, кој е исполнет со билатерални условувања и политички притисоци, кои ја оддалечуваат Македонија од европските вредности и критериуми.
Наместо да се води по копенхашките критериуми за пристапување, земјата се соочува со постојани барања за компромиси околу идентитетски и историски прашања кои се поврзани со соседните земји. Оваа ситуација води до се поголемо разочарување, а поддршката на Европската унија во Македонија опаѓа од година во година. Овие факти се поткрепени и со последните анкети на „Евробарометар“. Имено довербата во ЕУ во Македонија изнесува 54%, додека 42% од граѓаните не ѝ веруваат. Лолку за споредба, есенскиот „Евробарометар“ за 2024 година покажа дека 56 отсто од македонските граѓани имале доверба во ЕУ, што јасно говори за опаѓачкиот тренд од година во година. Во исто време, земјите од регионот како Црна Гора, Албанија и Косово покажуваат многу поголема доверба во ЕУ, бидејќи тие не се соочуваат со истиот тип билатерални условувања. Покрај тоа, најновото истражување на „Евробарометар“ покажува дека 50% од македонските граѓани веруваат дека членството во ЕУ ќе се случи, додека другата половина останува скептична. анкетите се спроведени во секоја земја во март и април годинава, при што податоците за висока доверба се бележат само кај оние земји кон, кои ЕУ барем засега не испорачала билатерални условувања, туку тие преговараат исклучиво врз копенхашките критериуми, кои дури и се спуштени на минималното ниво за да можат да се сметаат за исполнети.
