- „Прво јас сега ќе ви кажам како ќе биде.. – Како и досега..“ му суфлираше Ахмети на Ковачевски.
Седнувањето на Талат Џафери во премиерското столче е само формалност. И досега владејачката коалиција како да беше предводена од ДУИ, а СДСМ се однесуваше како помал коалициски партнер и ги следеше нивните насоки, ги исплонуваше нивните барања и желби.
Рече – порече: уцени и наредби од ДУИ, послушност и потчинетост од СДСМ е начин на функционирање на владината коалиција подолг период . Најголемата партија во владината коалиција, неколку пати ги погази своите ставови откако за Интегративците прифатлива беше спротивната опција.
- „СДСМ, подолг период е една партија што се распаѓа како кула од карти, некогаш побрзо, некогаш поспоро. Сведоци сме дека во минатото имаше превирања, имаше поделби, де скопска група де ваква група, не селјаци не градски. И во еден актуелен сооднос СДСМ –ВМРО-ДПМНЕ, ВМРО-ДПМНЕ го тепа СДСМ 100 – нула. И соочени со тоа, во сооднос тие две партии, нема друг избор освен својата кула од карти да ја поткрепи со нов шпил од карти а тоа е ДУИ. ДУИ во моментов е кичмата на СДСМ, да не се изгуби тотално, да не биде тоа катастрофа и реално и објективно, би можела да се случи во сооднос СДСМ-ВМРО-ДПМНЕ“ вели Агим Јонуз, политички аналитичар.
Со само 13 пратеници, 11,48 проценти од гласовите и точно 104.699 гласови, ДУИ е партијата која што во свои раце ги држеи клучни ресори во државата. СДСМ, иако со тројно повеќе гласови и тројно повеќе пратеници, со министерството за надворешни, за образование, економија и финансии, раководи ДУИ за кого беше измислена дури и нова позиција во Владата, прв вицепремиер, функција која ја доби Артан Груби, кој управува и со Министерството за односи меѓу заедниците.
- „Ако се земе во предвид дека и на албанската политичка сцена, трагично е да се дели но тоа е што е, дека и на ДУИ ќе им гори под нозе со таа веќе сериозна опозиција, а единствениот спас за двајцата давеници, СДСМ и ДУИ, е рака за рака како во филмот Титаник, Леонардо Ди Каприо и таа девојката, за да не потонат“ вели Агим Јонуз, политички аналитичар.
За Ковачевски не прифатливо беше во техничката влада да бидат министерите од ВМРО-ДПМНЕ, но Џафери ги прифати. Истото беше и кога социјал-демократите не сакаа да има претседателски и парламентарни избори во ист ден.
- „Прво јас сега ќе ви кажам како ќе биде.. – Како и досега..“ му суфлираше Ахмети на Ковачевски.
