Придружниот вокал на ДНК и еден од тројцата преживеани членови на групата во страшниот пожар, професорката Ана Костадиновска, по трагичниот губиток на своите најблиски пријатели и колеги, повторно се огласи на својот Фејсбук.
Ана добива многу пораки на поддршка, како лично така и преку социјалните мрежи, од најблиските, колегите, соработниците, но и од нејзините ученици. Една од нив, рачно напишана од двајца ученици, ги допре нејзиното срце. Заедно со пораката за брзо опоравување, тие испратија и мал подарок. Пораката ја објави и самата Ана.
„Драга професорке! Ви посакуваме брзо опоравување и што поскоро да ви се врати насмевката на лицето. Ве сакаме, Илија и Драгана“ – напишале нејзините ученици, на што професорката им одговорила:
„Вие сте мојата насмевка и сила. ВЕ САКАМ деца мои“.
