Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Економија

Амандманска расправа за ребалансот на буџетот, треба да биде усвоен во втората недела од август

Власта и опозицијата се скараа околу покачувањето на платите. Во законодавниот дом…

Сподели:
Фото: Алфа Вести

Власта и опозицијата се скараа околу покачувањето на платите. Во законодавниот дом продолжува жестоката дебата за ребалансот на буџетот. Пратениците на СДСМ обвинуваат дека не биле предвидени пари за зголемување на минималецот, се кршеле работничките права и се суспендирале колективните договори. Власта пак алармира дека наишле на огромна буџетска дупка која требале да ја санирааат, а претходниците потрошиле над 70% за 6 месеци.

„Обезбедивме финансиски средства за задоволување на потребите на сите буџетски корисници, вклучувајќи ги и обврските по преземените обврски коишто вие сте ги испланирале“ – вели Николче Јанкуловски, заменик министер за финансии.

„Сега сте власт и ако сметате дека било кој Колективен договор е потпишан надвор од процедурите, можете да го поништите и да им ги скратите правата на работниците, а во спротивно должни сте бидејќи Колективниот договор е над законот, должни сте да им ги овозможите сите придобивки коишто работниците ги имаат добиено благодарение на овие Колективни договори“ – вели Јована Тренчевска од СДСМ.

Реклама

Пратениците на ВМРО-ДПМНЕ го вперија прстот кон претходната власт бидејќи не испланирале доволно плати за исплата во Национални Шуми, Водостопанство, Пошти и други институции. Пратениците на СДСМ, пак, се правдаат дека менаџирањето било на високо ниво.

„Вие сте должни да дадате одговор на македонската јавност дополнително што доживеавте историски најлош резултатза СДСМ, би рекол срамен резултат, а не и вие и министрите поранешни од вашата влада да излегуваат овде и да ги фалат политиките на СДСМ, коишто очигледно, не според мене, за граѓаните на Македонија се тотално фијаско, сведувајќи ве на мала политичка партија од 15 пратеници и 100 и нешто илјади гласови“ – вели Бране Петрушевски од ВМРО-ДПМНЕ.

„Јас претседател на Влада не сум од средината на јануари, а не од средината на јуни. Менаџирањето било на многу високо ниво кога сум бил претседател на Владата и кога повторно ќе ја имаме честа да ја водиме Владата, пак ќе биде така“ – вели Димитар Ковачевски од СДСМ.

Амандманската расправа за поднесените 58 амандмани ќе трае 6 дена, по што ребалансот ќе оди на пленарна седница.  По дебатата, се очекува, за прекроената државна каса да се гласа во втората недела од август.