Агенцијата за храна и ветеринарство, апелира до граѓаните, доколку пронајдат угината дива птица од водните видови (патки, гуски и слично) да ја известат АХВ лично на бесплатната телефонска линија 0800 3 22 22 или на [email protected], или ветеринарните друштва.
Доколку станува збор за други видови угинати птици и за изолирани угинувања, тоа треба да го пријават на јавните комунални претпријатија за нештетно отстранување на лешевите.
АХВ апелира на внимателност и преземање на заштитни мерки за категориите на лица кои се изложени на ризик, односно за лицата кои можат да имаат близок контакт со заразени птици.
