Амбасадорката на САД, Анџела П. Агелер, во воведното излагање на тркалезната маса “Дали ни е потребен Закон за Уставниот суд?”, која се одржа во Уставниот суд, нагласи дека ова е клучен момент за судството и за граѓаните на Македонија. Таа ја истакна важноста на транспарентноста во судството, која не само што гради доверба, туку и ја зајакнува независноста на судиите.
Агелер ја поддржа работата на судството и рече дека Законот мора да работи во полза на граѓаните. Таа исто така посочи дека оваа дебата е важен почеток за обнова на довербата во судските институции, што е клучно за функционирањето на демократијата во Македонија.
Во текот на дискусијата, претседателката, Гордана Сиљановска Давкова, претседателот на Уставниот суд Дарко Костадиновски, евроамбасадорот Михалис Рокас и германската амбасадорка Петра Дрекслер, исто така ја нагласија важноста на овој момент. Тркалезната маса се фокусираше на потребата од донесување посебен Закон за Уставниот суд, со цел да се подобри неговото работење и зголеми транспарентноста.
Представниците на правната струка, како и граѓанските организации, ги изнесоа своите ставови и предлози во однос на потребата од нови законски регулативи кои ќе ја гарантираат независноста и правдата во судскиот систем.
