По два дена закани од СДСМ кон ТВ Алфа за кривична пријава, за објавувањето на златната виза на Венко Филипче, лидерот на СДСМ денеска воопшто не сакаше да зборува на оваа тема. На конкретно поставено прашање- зошто кривична кога станува збор за информација од јавен интерес, кратко кажа- ќе ни кажеле правниците.
Откако беа објавени документите кои ги добивме од свиркачи и се од висок јавен интерес, индиректно признавајки ја нивната автентичност, пред два дена од партиската говорница најавија дека ќе поднесат кривична за Алфа во рок од 24 часа. Но, од нејасни причини тоа се уште го немаат направено. Го прашавме и Филипче лично- кога ќе ја поднесат, но и за тоа ќе ни кажеле правниците.
-(Доколку е оригинал по кој основ ќе поднесете кривична пријава, кога станува збор за јавен интерес, а вие сте лидер на политичка партија и поранешен министер?) Ќе ви кажат правниците тоа. (Кога ќе ја поднесете?) Ќе ви кажат правниците, вртејќи со главата кажа Венко Филипче.
А наместо објаснување како преку самофинансирање дошол до визата, за да биде извршен директор во Дубаи, Филипче денеска реши повторно да се заканува и да етикетира медиуми, кои според неговата оценка ширеле лажни вести и со кои тие кога ќе дојделе на власт ќе расчистеле
-И сега користи гебелсови методи за комуникација, ширење лажни вести, оцрнување луѓе, идентификување на лажни внатрешни предавници и надворешни нерпијатели и сето тоа користејќи ја орбановата мрежа на медиуми, тука кај нас која гледаме постепено во Унгарија почнува да се распаѓа. Ќе се расчисти со системот на лажни вести, изјави Филипче.
Инаку на темата виза, Филипче уште лани се демантираше самиот себе. Прво немал, па имал зошто бил доктор, за после да биде објавено дека била за да биде извршен директор во Дубаи. На 25-ти април 2025-та прво немаше. За само две недели подоцна да каже дека имал, но ја добил бидејќи бил стручен како доктор и неврохирург, па преговарал за работа во болница во Дубаи, а не за да биде извршен директор, како што е наведено во документите.
Матеја Петровски
