Со длабока почит се сеќаваме на осуммина припадници на безбедносните сили, чии животи згаснаа, на 9 и 10 мај во 2015 година. Нивната жртва е вечен симбол на храброст, посветеност и несебично служење за татковината, објави денеска кумановскиот градоначалник, Максим Димитриевски.
-11 години непребол нè потсетуваат и обврзуваат достоинствено да оддадеме почит, да градиме иднина без вакви трагични последици! Имаме должност да создаваме иднина на мир, стабилност, меѓусебна поддршка и заедништво. Нивниот подвиг е вистински поттик за сите нас, да продолжиме да градиме праведно и безбедно општество-напиша Димитриевски.
Тој посочи дека денес се поклонуваме пред споменикот на жртвите со неизмерна тага, изразувајќи благодарност до припадниците на македонските безбедносни сили, најискрена почит до нивните семејства, затоа што ги загубија најмилите во борбата за мир, праведност и безбедност на сите граѓани на Македонија.
-Вечна слава и почит за хероите- напиша Димитриевски.
