Презентација на клучните наоди и препораки од Анализата за трошоци за специјализирани услуги за жртви на родово базирано и семејно насилство ќе се одржи денеска во Скопје во организација на Националната мрежа против насилство врз жените и семејното насилство.
Анализата, како што се појасува во соопштението, претставува прв систематизиран преглед на трошоците за воспоставување и одржување на специјализираните услуги за жртви, со цел да придонесе кон унапредување на политиките, буџетското планирање и институционалната поддршка.
На настанот ќе биде појаснето зошто финансирањето на специјализираните услуги е системска обврска, а не трошок, кои се главните наоди од анализата, колку чини воспоставувањето и одржувањето на квалитетни услуги за жртви, кои се клучните препораки до институциите, зошто одржливото финансирање е неопходно за заштита, закрепнување и реинтеграција на жените и децата жртви на насилство.
