Ново поевтинување на горивата. Од утре бензините и дизелот со намалени цени од денар и пол по литар. 95-ката ќе се продава за 80,50 денари по литар. Новата цена на 98-цата изнесува 82,50 денари по литар. Дизелот, пак, од полноќ ќе се преодава за 94 денари по литар. Минимална нагорна корекција од половина денар има и кај екстралесното масло за домаќинства. Литар ќе изнесува 97 денари. Мазутот исто така со нова намалена цена од 46,288 денари за килограм.Од овие цени може да се оди и надолу на бензинските пумпи поради попустот на ОКТА.
ЦЕНИ НА НАФТЕНИ ДЕРИВАТИ 20.04.2026
ЕУРОСУПЕР 95 80,50 (денари/литар)
ЕУРОСУПЕР 98 82,50 (денари/литар)
ЕУРОДИЗЕЛ 94 (денари/литар)
Екстра лесно масло 97 (денари/литар)
Мазут 46,288 (денари/килограм)
Со новата промена во цените, тие и натаму остануваат најниски на Балканот. За тоа придонесоа мерките на Владата за ублажување на ценовниот удар за граѓаните и фирмите. Владата одлучи до четврти мај да остане на сила мерката за намалување на акцизите за нафтата за 4 денари, односно на бензините за два денари по литар. ДДВ-то за бензините, исто така, ќе остане на нивото од 10 проценти во следните две недели. ДДВ-то за нафтата се враќа на 18 отсто. Премиерот го образложи ова со тоа дека откупните цени на дизелот паѓаат, што значи дека и покрај тоа, дизелот ќе продолжи да поевтинува. За пониски цени на нафтените деривати придонесува и попустот кој Окта им го дава на трговците од 3 денари на литар за дизел горивото, односно 2 денари за бенизните кој ќе трае до крајот на април.
Македонија е во топ трите земји по преземени мерки за ублажување на ценовниот шок на горивата. Меѓународниот монетарен фонд ја стави Македонија на третото место во Европа за ефикасно справување со кризата по избувнувањето на конфликтот на Блискиот Исток.
