Во рамки на Дипломатскиот форум во Анталија (Antalya Diplomacy Forum – ADF2026), министерот за надворешни работи и надворешна трговија Тимчо Муцунски, денеска ќе се обрати на панелот „Жнеење мир на Балканот: дијалог, бизнис и поврзаност“.
На панелот, како што информираат од Министерството, предвидено е учество на министри од земјите од Западен Балкан, како и од Хрватска и Турција, како и генералниот секретар на Советот за регионална соработка (RCC).
Во рамки на престојот во Анталија, а на покана на турскиот министер за надворешни работи Хакан Фидан, Муцунски вчера учествуваше на Третиот министерски состанок на Балканската платформа за мир, заедно со шефовите на дипломатиите од земјите од Западен Балкан.
За време на форумот предвидено е министерот Муцунски да оствари и повеќе билатерални средби.
